சித்தர் கோயில் என்று பெருமையாக அழைக்கப்படும் புலியூரான் அருள்மிகு சித்தநாத குருநாதசாமி கோயில், விருதுநகர் மாவட்டம் அருப்புக்கோட்டைக்கு கிழக்கில் 12 கிலோமீட்டர் தூரத்தில் உள்ள புலியூரான் கிராமத்தில் உள்ளது. இந்த இந்துக் கோயிலின் முதன்மைத் தெய்வமாக சித்தநாதர் வணங்கப்படுகிறார். இக்கோயில் 16 ம் நூற்றாண்டில் புகழ்பெற்ற சித்தரின் ஜீவசமாதி மேல் எழுப்பப்பெற்று, இடைப்பட்ட காலகட்டத்தில் விரிவாக்கம் செய்யப்பட்டது. இக்கோயிலின் தீர்த்தம் அருமருந்தாக கருதப்பட்டு, பக்தர்கள் சித்தநாதரின் அருளால் தங்களுடைய தோல் சம்பந்தப்பட்ட வியாதிகளுக்கும்,விசக் கடிகளுக்கும் தீர்த்தம் பெற்று சுகம் அடைகின்றனர்.